Thailand-a chhanchhuah hna thawktute chuan ruah tam zawk a sur hmaa naupang 12 leh an coach te puk chhung atanga chhanchhuak turin hman hmawh takin beihpui an thlak zel.

0
893
views

Thailand-a chhanchhuah hna thawktute chuan ruah tam zawk a sur hmaa naupang 12 leh an coach te puk chhung a\anga chhanchhuak turin hman hmawh takin beihpui an thlak zel.

Fur ruahtui nasa zawka tla reng thei reng anih tawh avangin hmanhmawh a \ul hle a, Puk chhunga tui lut a tam zel chuan rei lote chhungin tui hian naupangte tawmna a chim thei mai a, chumi hma ngeia heng naupangte hi chhanchhuah tumin beihpui an thlak mek a ni.

Heng naupang rualte tanna puk awmna, Chiang Rai ah hian ni engemawzat chu ruah a sur tawh lo a, fur ruahtui nasa taka tla mai tawh tura ngaih anih avangin chhanchhuah hna thawktuten hmanhmawh taka hma an lak a \ul phah a, Chiang Rai Governor Narongsak chuan puk chhunga tui tam lutuk chu an harsatna lian ber a ni tih a sawi a, naupangte leh an chhungte inbiak pawhna tur telephone thlun luh hmasak zawk chu tuiah a tlak avangin a chhia a, tunah hian a thar thlun luh leh tum mek a ni a ti. Khua hi a \ha tluang chho zel anih chuan ni rei vak lovah chuan naupang te hi ke-a hruai chhuah mai theih an ni dawn a, naupangte tan mekna hmun thleng tur hian luh lamah darkar 6 leh chhuah lamah darkar 5 hun hman a ngai a ni.

Celcius Degree 30 chung lam, khaw lum tak hnuaiah chhanchhuah hna thawktute chuan ngawrh takin an hna an thawk mek a, puk chhehvel ah chirhdiak thuk tak tak a inchhek khawl bakah a nal hle a, fur ruahtui a tlak chuan harsatna lian zawk a thleng ngei dawn tih mitinin an chian avangin hmanhmawh takin hma an la mek a, puk chhunga tui awm pawh chawl lova pump chhuah reng a ni bawk a, tunah hian tui chimchin hi inches 15 velin a hniam tawh a, chhanchhuah hna thawktute pawhin puk chhung km 1.5 thleng chu awlsam takin an lut thei tawh a ni. Tui pump chhuah tawh zat hi litre maktaduai 128 vel a tling tawh a ni.

Puk chhunga la tang mek naupang rual te hian June ni 23 khan khaw ro laiin puk hi an lut a, ni 9 chhung zawn an nih hnuah Thawh\an zan khan puk luhna lai a\anga km 4 a thuk, tui chim phak loh laia an lo tawm chu British mi tuilut thiam pahnihin an hmu chhuak a ni.