Aadhaar Card hmang duh lo te inhmu khawm

0
1110
views

Mizoram sorkar hnuaia thawk mek leh chawl tawh, Aadhar Card hman duh lote chu vawiin khan Aizawl Babutlanga Archives Hall-ah an inhmu khawm a, huam zau zawka hma lak a nih theih nan Mizoram puma sorkar hnathawk mek leh chawl tawh, Aadhar Card hman duh lote chu hun remchang hmasa berah inhmuh khawm a, thil tih dan tur rel ho ni se an ti. He inhmuh khawmna huaihawttute chuan, Aadhar Card hman an duh loh thu sawiin, Bank kal tlang lova tangkafaia hlawh laktir turin September ni 21 khan sorkar an lo ngen tawh a, sorkar chhanna an nghak mek nia sawiin, an duh ang chhanna an hmuh loh chuan na zawka sorkar nawr zel an tum thu an sawi a ni. Sorkar laipui ruahman angin Mizoram sorkar chuan, sorkar hnathawk zawng zawng chu kumin December ni 31 hmaa an hlawh lakna Bank Account leh Aadhar Card thlun zawm vek turin a hriattir a ni. Zawhna chhangin he inhmuh khawmna huaihawttute chuan, vawiina an inhmuh khawmnaa kalte chu Aadhar Card nei lo hrim hrim an ni deuh vek niin an sawi a, Aadhar card hi an neih pawhin, Bank Account nena thlun zawm a nih chuan an mimal zalenna a ni thei dawn nia an hriat thu leh, Bank Account chu duh duh huna tihchingpen theih a ni dawn nia an hriat vangin Bank Account leh Aadhar Card thlun zawm chu an pawm ve thei lo niin an sawi.