Afghanistan Kandahar police hotupa, General Abdul Raziq chu vawiin khan Taliban mi firfiak pawlte’n an kaphlum.

0
824
views

 

Raziq hi US sipai hotu, General Scott Miller nen Kandahar-a sipai hmunah an inbia a, tualchhung governor vengtu anga inchei mi firfiakte’n inbiakna an neih laiin an kaphlum a, a rual hian Kandahar Intelligence hotupa leh chanchinbumi pakhat kahhlum tel an ni bawk a, midang 13 an hliam a, hliam zingah hian America mi 2 leh Kandahar governor te pawh hi an tel ve a ni.

Raziq hi ziak leh chhiar thiam lo a ni a, kum 1994 khan Taliban mi firfiak pawlte chuan a pa leh a pate-a an lo thah sak tawh a, heta \ang hian Taliban hi a la dodal char char a, kum 2001-a US-in Afghanistan a beih pawh khan an thawhpui nasat ber te zing ami a ni a, Afghanistan chhim lama US-in Taliban mi firfiak pawl a hnehna kawngah pawh a thawh hlawk hle a, District Police hotu-ah dah a ni zui a ni a, mi tawhkhirh avangin mipuite ngaihsan pawh a hlawh hle a, Human Rights Watch chuan mi firfiakte sawisak kawnga a hotu ber ti hialin a lo sawi \hin a ni. Raziq hi US chuan a \huihruai lian ber te zingah a dah a, General Scott Miller pawh hian a \hian \ha tak a nih thu leh Afghanistan-in ram hmangaihtu dik tak a chan nia a hriat thu a sawi a, Afghanistan leh a ram mipuite tana a thil \ha tih te chu sut theih a nih tawh loh thu te a sawi bawk a ni.