AI 191, Mumbai a\anga Newark, New Jersey pana thlawk hi London Stansted Airport ah \umtir a ni tih Air India hian twitter ah a tarlang a, rei lo teah he thu post hi delete leh a ni thung. London Stansted Airport hian an \umhmun chu hawn leh nghal a ni tih an puang a, Air India thlawhna hi zing dar 10:15 ah him taka \umtir anih thu leh Essex Police te pawh \umtir anih lai hian an awm thu tarlan a ni a, Air India thlawhna hi fimkhur thu hlaah \umtir anih thu an nemnghet bawk.
Hetihlai hian Britain Defence Ministry chuan indo thlawhna Typhoon chu passenger phur thlawhna pakhat venghim tura tirh chhuah anih thu an puang tih Reuter chuan a tarlang bawk a ni.
