Aizawl Branch MSME, Development Institute leh Aizawl District Industries Centre tangkawpin State Level Vendor Development Programme buatsaih

0
1232
views

Micro Small and Medium Enterprises Ministry hnuaia Aizawl Branch MSME, Development Institute leh Aizawl District Industries Centre tangkawpin vawiin khan Aizawl Ramhlun Venga DIC Conference Hall-ah sumdawnna tenau kalpuitute tan State Level Vendor Development Programme a buatsaih. Hetah hian mahni kutkawih leh sorkar tanpuinaa sumdawnna tenau khawihtuten hlawk zawka sumdawnna an kalpui theih dan tur leh an thil siamchhuah hralhna tha zawk an hmuh theih dan tur kawhhmuh an ni. He zirhona hi Mizoram Chamber of Industries President, Pu K. Lalhmingthanga’n a kaihruai a, Powergrid Corporation of India Ltd., Mizorama Deputy General Manager, Pu S. Bhattacharya’n a hmanpui a ni. Aizawl Branch MSME, Development Institute-a Asst. Director, Pu M. Dutta, DIC General Manager, Pi R. Lalrodingi leh NEEPCO Ltd. Senior Manager, Pu Ajoy Kumar-a ten thu an sawi a ni.