Aizawl khawpuia a thlawna hman theih tur, Internet Wifi that tawk loh chhan sawifiah turin AMC-in contractor hriatir

0
2367
views

Aizawl khawpuia a thlawna hman theih tur, Internet Wifi \hat t^wk loh chhan sawifiah turin Aizawl Municipal Corporation-in Contractor a hriattir. ZONET zawhna chhangin Mayor, Pu PC Lalhmingthanga chuan, free Internet Wifi, hmun hrang hrang a an dah chu a \ha tawk lo tih tlangkam a\angin AMC-in a hria a, ziaka sawiselna dawng chiah lo mah se, thil awm dan endik a nih hnuah Internet Wifi hi a \ha tawk lo tih finfiah niin a sawi. Pu PC Lalhmingthanga chuan, Wifi an dahna hmun, Khatlaa Govt. Johnson College-a mi chu Contractor-in kawlphetha supply \hat t^wk loh chhuanlama tihtawp a dil angin tihtawp a nih thu a sawi a, a bak, hmun danga an dahna pawh a \hat tawk loh avangin nikum December ni 13-a AMC Board of Councillors \hukhawm thuchhuak angin Contractor chu insawifiah tura tih a nih thu a sawi a, a insawifiahna erawh chu a la hmu lo niin a sawi.

Puan tawh angin, kum 2016 December ni 22 khan AMC-in Aizawl khawpui chhunga mipuiten a thlawna an hman tur Internet Wifi hi a lo hawng tawh a, Contractor hi Nextcomm a ni a, Aizawl khawpui chhung hmun 7 – Govt. Aizawl College, Govt. T. Romana College, Govt. Hrangbana College, Govt. J. Thankima College, Govt. Aizawl North College, Govt. Aizawl West College leh Govt. Johnson College-ah te an dah a ni.

(RSA)