Aizawl Municipal Corporation Board Of Councillor meeting vawiina neihin Aizawl khawpui bawlhhlawh paihna atana Contract-a motor 50 vel a hman chu mimal enkawl tir a rawt. He thutlukna siam hi Special Committee dina bawhzui turin Dy. Mayor Pu Lalringliana ruat a ni.

He Committee hian rawtna a neih te BOC Meeting pawmpui turin nakum February ni 10 hmain thehlut se tih a ni. He meeting hian Aizawl khawpui chu nakkum October ni 2 a\angin Plastic hman lohna khawpui, Plastic Free City-ah puan a remtih bakah hemi atana hma lo la turin Pu Lalhmingmawia, Councillor kaihhruai Special Committee an din nghal a, tuna sorkar kum kal meka Budget an ennawn bawk. Aizawl Municipal Corporation Board of Councillor meeting hi Mayor Pu PC Lalhmingthanga a kaihhruai a ni.