Aizawl veng hrang hrangin faina beihpui thlak

0
334
views

Vawiin khan Aizawl khawpui chhung veng \henkhat chuan faina beihpui thlakin hnatlang an nei. Armed Veng South Branch YMA leh YMA chhang mi 300 vel thawk chhuak te chuan veng chhung thenfai hnatlang an nei a, hemi hmalama inkhawm tawi buatsaiah Aizawl Mayor, Pu PC Lalhmingthanga chuan faina leh thianghlimna lama \an lak a pawimawh thu YMA member te a hrilh a, Central YMA CEC Member, Pu K. Lalthlantuma chuan Kumpuan “Ram leh hnam humhalh” tih a hawng a ni.

Mission Vengthlang Branch YMA pawhin section hrang hrang pathum huamin vawiin khan faina beihpui a thlak a, hnatlangte hian tun hnaia ruahsur nasa-in kawngpui leh kawngsira bawlhhlawh a len chhuah te, lei vung kawng daltu leh kawngpui sira bawlhhlawh te an thianfai a ni. Hnatlangte hi Branch YMA President leh OB te bakah Local Council hruaituten an ho a ni.