Arunachal Pradesh, Meghalaya leh Uttar Pradesh sorkarin thawhhona thu an thlung

Arunachal Pradesh, Meghalaya leh Uttar Pradesh sorkarin sorkar laipuiin ram inpumkhat nana a ruahman, ‘Ek Bharat, Shrestha Bharat’ tlawhchhanin Ningani khan thawhhona thu an thlung a, UP sorkar aiawhin Secondary and Higher Education Secretary, Sanjay Agarwal, Arunachal Pradesh sorkar aiawhin Tourism Secretary. Joram Beda leh Meghalaya sorkar aiawhin Education Secretary, WR Lyngdoh-a’n hming an ziak a ni. UP Deputy CM, Dinesh Sharma-a chuan ‘Ek Bharat, Shrestha Bharat’ hnuaiah hian ram chhunga state hrang hrang, inang lo tak takten inlaichinna \ha an neih theih nan \an an la mek niin a sawi a, India chu hnam zia, \awng leh sakhaw chi hrang hrang inang lo tak tak awmna ni mah se, thil pakhatin a thlung khawm niin a sawi. He scheme hnuaiah hian, kum tinin ram chhunga state pakhat leh Union territory pakhat a\anga thlan chhuahte chu inkawm chianna hun siamsak \hin an ni dawn a, hei hian hnam leh hnam inkarah inhriatthiam tawnna leh inlaichinna \ha zawk a siam beisei a ni.