Assam-a Akshar School-ah tuition fee aiah zirlaite chu plastic chhia khawn khawm tir \hin an ni.

0
448
views

Kum 2016-a he school dintu US-a Aerospace engineering zir, kum 30 mi Mazin Mukhtar leh a nupui, Social Works-a Master Degree nei, Parmita Sarma te chuan chhungkaw rethei zawka naupang te’n zirna pangai an dawna eizawnna an hmuh theihna turin school-a zirtirna pek dan danglam tak an buatsaih a, zirlai te’n kar tin plastic bawlhlawh 25 an thehluh chuan fee an chawi a ngai lo a, plastic chhia te hi thil \angkai dangah chantir-a recycle lehin an school sak belhna tur brick siam nan te an hmang leh \hin a ni. Parmita Sarma chuan an zirlaite chhungte hian plastic bawlhlawh tihbo nan an hal \hin tih an hmuhin a pawizia hrilh mahse an hal chhunzawm zel si a, hei vang hian tuition fee aiah plastic bawlhlawh khawn hi an kalpui ta tih a sawi a ni.

National Institute of Open Schooling hnuaia awm, Akshar School-a zirlai upa zawk te hi zirlai naupang zawkte zirtir leh chhawng tura buatsaih an ni bawk a, school an ban mai loh nan hlawh pek an ni bawk. Kum 14 mi Prasanta chuan a hmain school kal mahse an retheih vangin a bang tih a sawi a, quarry-ah nitin hna a thawh hnuah he schoolah hian a zir chhunzawm leh tih a sawi a, pawl hniam zawkte a zirtirna a\angin hlawh neiin lehkha a zir thei ta tih a sawi.

School-ah hian zirlai 110 an awm mek a, mi rethei chhungkua a\anga chawr chhuak vek an ni.