Assam-a tuilian vangin hriat theih chinah mi 6-in nunna an chan tawh a, District 33 zinga 21-a mi nuai 8 velin tuilian an tuar mek.

0
372
views

Assam khawpui Guwahati-a luang tlang Brahmaputra lui leh lui dang panga te chu hlauhawm chin chhinchhiahna pelin a lian a, huan lo ram hectares 27,000 chu tuilianin chimin, mi 7,000 te chu relief camp 68-ah sawn chhuah an ni.

Luia lawng service te chu Zirtawpni a\ang khan tihtawp vek a ni tawh a, khawchin thlirlawknaah ruah nasa tak la sur chhunzawm tura hmuh lawk a ni bawk.

Upper Assam-a thingpui huan, Dhemaki leh Lakhimpur-ah te, lower Assam-a Bongaigaon leh Barpera-ah te ruah a sur nasa zual a, Barpeta-ah chuan mi 85,000 te hmun him lam panin an insaseng tih Assam State Disaster Management Authority chuan a sawi.

He tuilian hian Kaziranga National Park pawh chimin, helai hmuna samak te chu hetiang nikhuaa an himna tura siam, hmun sang zawkah sawn an ni a, ramsa mahni sa himna zawnga vak chhuak an awm hlauhthawn thilah he kawnga lirthei veivakte chu fimkhur turin thuneitute chuan an chah a, lirthei tlan chak zawng pawh an thunun nghal a ni.

Chief Minister, Sarbananda Sonowal chuan Assam Bawrhsap chu tuilian tuar te chungchang a sawipui a, mipuiten \anpuina an mamawh apiang ngaihven reng turin a hriattir a ni.

Thluaka khawsikpui lut leng vangin Assam hian buaina a tawh mek lai a ni a, state sorkar chuan health deptt.-a thawk zawng zawng te chawlh a cancel a, hei hian September thla thleng a huam dawn a ni.