Association for Voluntary Blood Donation (AVBD) General Headquarters hruaituten tukin khan Health & Family Welfare Minister, Dr. R. Lalthangliana kawmin Mizorama thisen pek chungchang leh a kaihhawih thil pawimawh hrang hrang an sawipui.

0
36
views

An inkawmnaah hian AVBD hruaitute chuan Aizawl Civil Hospital Blood Bank-a thawktu, a bikin Medical Officer leh Technical staff indaih lohna chu a rang lama sutkian an duh thu an thlen a, Pâwl zingah thisen pe duh \hahnem tak awm mah se, thawktu indaih lohna avangin ni khatah donation camp pakhat bak an huaihawt thei lo a, pawl anga thisen pe duh eng emaw zatin thisen an pek theih loh phah \hin niin an sawi a, he harsatna sukiang tur hian Doctor leh thawktu dang a remchan anga dah belh dan ngaihtuahpui turin an ngen a ni.

Health Minister, Dr. R. Lalthangliana chuan, AVBD hruaitute chu an thil duh hrang hrangte mumal zawka lehkha siama pe turin a ngen a, chu chu a \ul anga a lo bawhzui tur thu a hrilh a. An inkawmnaah hian thisen sawngbawlna man lak\hin tihtawp a nih tak avanga blood donation atana sum mamawh chungchang pawh an sawi ho a; blood donation atana sum mamawh angte state budget-a dah bakah, voluntary blood donation chungchanga hmalakna atana budget-a sum dah dan kawng zawn \ha a tih thu, Health Minister chuan a sawi a ni.