India rama hmeichhe Pathian thu zir inzawmkhawm pawl, Association of Theologically Trained Women of India Mizoram Branch leh LIKBK Hmeichhe pawl te \angdun buatsaih seminar-ah hian chawhma lam Pi Rebecca Lalhmangaihzuali kaihhruaiah Danglamna thlen tura Bible chhiar thar lehna tih thupui hmangin Dr. Lalnghakthuami, Aizawl Theological College-in zirtirna a pe a, chawhnu lam Pi H. Lalrinsangi, Lawngtlai kaihhruaiah Nl. Rualzamawii, Synod Missionary Training College chuan Danglamna thlen turin Huaisen rawh, Kohhran leh Khawtlangah tih thupui a zirtir bawk. Zirhonaah hian Kohhran leh khawtlanga Kristian hmeichhiaten tih theih leh tih tur tam tak an neih thu te, rawngbawlna kawnga hmeichhiate hmasawnna tur te an sawiho bawk.
Association of Theologically Trained Women of India Mizoram Branch-ah hian Presbyterian, BCM, LIKBK, Salvation Army leh ECM a\anga Pathian thu zir Hmeichhiate an tel a, Mizoram Branch ah hian President chu Pi F. Lalthazovi a ni.
