Kovind leh Morrison-te hian pianphunga rualbanlote enkawl chungchang bakah sumdawnna leh Mining bakah, Science leh Agriculture lama thawhdunna tur chungchangah te inremna panga an ziak a ni. Australia Trade Minister Simon Birmingham chuan India rama state 10-ah kawng hrang hranga state sorkar-te nena thawhdunna tur an ngaihtuah thu leh hei hi an ram company-te tan pawh hlawkna a nih theih an beisei thu a sawi a, kum khat chhunga hengte hi tihhlawhtlin theih an beisei thu a sawi bawk a ni. Puan tawh angin Kovind hian Melbourne khawpuiah zirlaite a kawm leh ang a, Australi-a India mi chengte pawh a kawm dawn bawk a ni.
