Australia-a Jihadist man tuma sorkarin a veh mek, Neil Prakash chu Australia khua leh tui a nihna hlih sak a ni.

0
830
views

Home Affairs Minister Peter Dutton chuan sorkar thutlukna hi puangin Prakash-a hi mi hlauhawm tak a ni a ti a, intelligence lam hotute chuan Melbourne-a piang Prakash-a hi Islamic State zawm tura mi te sawmkhawmtu a nih bakah Australia-a firfiaka chet dan tur ruahmantu a ni. Amah hi tun dinhmunah Turkey-ah thuneitute kutah a awm mek a, firfiaka chetna kaihhnawih thubuai siamsakin a chungthu ngaihtuah mek a ni. July thla khan Turkey ram court chuan Australia-a thawn let tur a ni em tih chungchang ngaihtuahin a lo hnawl tawh a, Australia ah hian firfiaka chetna kaihhnawihah thubuai engemawzat a awrh mek a ni.

Television kaltlanga thu a sawiah Australia Home Affairs Minister Dutton chuan Prakash-a hi Middle East-a IS hmalaknaah a meizanghlaptu ber a ni tih a sawi.