Australia Archbishop Philip Wilson-a’n court rorelna, court sang zawka khin let a tum thu a sawi

0
872
views

Kum 1970 chhova a thawhpuiin mipat hmeichhiatna kawnga naupang a khawih chingpen a thuppui avanga thiam loh chantir tak, Australia Archbishop Philip Wilson-a’n court rorelna chu court sang zawka khin let a tum thu a sawi.

Adelaide archbishop nilai Philip Wilson hi thla kalta khan court chuan a thubuaiah thiam loh a chantir a, New south Wales ah kum 1970 chhovah khan puithiam pakhatin mipat hmeichhiatna kawnga alter boy te a khawih chingpen \hin chu thuppuiah puh a ni. Thiam loh chantir a nihna hi khatihlaia a thawhpui James Patrick Fletcher a’n Alter boy te mipat hmeichhiatna kawnga a khawih chingpen hre reng chunga Police te hnena a report loh vang a ni a, hei hi thu dik lo niin Philip Wilson hian a sawi thung a, a nihna a\ang pawhin a inhnukdawk duh lo a ni. Thiam loh chantir anih hnua thuchhuah a siamah dan hnuaiah a dikna hailang tura hmalak a tum thu hi a tarlang a ni. Magistrate Robert Stone chuan Archbishop Philip Wilson hi thiam loh chantirin thla 12 tang turin a ti a, Tang tura hremna puan anih rual hian in lama khung beh a remchang zawk em tih ngaihtuah tel turin Court hian a tih avangin Jail ah chuan a tang dawn lo nia ngaih a ni a, thla 6 hnuah parole a dil thei ang.