Australia cricket khel thiam pakhat, Usman Khawaja unaupa chu firfiaka chet tuma anga midang pakhat a lantir avangin thubuai siamsak a ni.

0
173
views

 

Australia Police te chuan kum39 mi, Arsalan Khawaja hi lehkha lem siama midang a puh avangin thubuai an siamsak a, August thla khan Sri Lanka mi, Sydney-a lehkha zirlai chu a lehkhabu-ah firfiaka chet tumna lam hawi lemziak hmuh a nih avangin man a ni a, he zirlai Mohamed Kamer Nizamdeen hi thla khat dawn lai hren a nih hnuah Police te chuan an chhuah a, hren anih lai hian kum 25 mi PhD zirlai hian amah chu University of New South Wales-a a hnathawhpui pakhatin dik lo takin thil sual tih tum angin a lantir tih a sawi a, hei hi Australia Police te chuan a dik tih an hmu chhuak ta a ni.

Khawaja hian hmeichhe pakhat avangin hetiang hian Nizamdeen-a lakah hian thil a ti tih Australia Police te chuan an sawi. Nizamdeen hi firfiaka chet tumah puin Police te hian hapta li chhung an hreng hman a, Police te chuan a note bu-ah firfiaka chetna tur ruahmanna inziak an hmu a ni.