Inrinni khan Australia House of Representatives seat 151 tan inthlanna buatsaih a ni a, Morrison-a Coalition party chuan chhiah tih tlem leh an rama pem lut te endik chungchangah khauh zawka hma lak an tiam a, eptu pawl Labor party erawh chuan khawtlang tihhmasawn leh pemlutte chungchanga nem zawka hma lak an tiam thung a, polling firm te leh Labor party te chuan kum 6 hnuah Labor party te’n sorkarna changin vote tla zaa 70 an hmuh an ring a, Coalition party hian seat 76 lak an inbeisei thu an sawi thung a, Vote tla zaa 70 chhiar thawhah coalition party hian seat 74 hmuin hma a hruai a ni.
Scott Morrison-a hnehna chan dan hi kum 2016-a President Donald Trump-a hnehna chan dan nen tehkhin a ni a, Trump-a a ngaihsan thu lo sawi chhuak tawhtu Morrison-a hian Australia mipuite hnenah lawmthu a sawi a, a sorkarna hnuaiah boruak bawlhlawh greenhouse gas pek chhuah tih tlem lama hma la vak lovin US hmalakna thlawpin China siam Huawei hman te a khap rin a ni a, humhimna zawnga pemlut te laka a chet dan, khawvela mihring dikna leh chanvo humhalhtu pawl te dem hlawh tak pawh a chhunzawm zel rin a ni.
Eptu pawl Labor Party hotu Bill Shorten-a chuan hnehna a chan zawh tak lovah chuan party hotu a nihna a\angin banna a thehluh tur thu a puang a, MP erawh a ni chhunzawm dawn a ni.
