Kum 25 mi, Anthony Robert Harvey chuan nikum khan Perth-a ama in chhungah a chenpuite chu a thah vek a, a thah a\anga kar khatnaah an ruang hmuh a ni.
Harvey chuan a nupui a that hmasa ber a, hetihlai hian a fate chu an muhil tawh a, a fate zinga pakhat chu vawi 38 lai a vit nia hriat a ni. A nupui leh fate a thah tukah Harvey nu, Quinn-in naupangte hmu tura an ina a va kal chu Harvey chuan a lo that zui ve lehnghal bawk a ni.
Court chuan Harvey hian a chhungte thahna tur hian ruahmanna a siam a, chanchinbu pakhatah pawh anmahni nuaibo chungchang a ziak a ni.
Ni 5 chhung a chhungte ruang hi a chenpui a, hemi hnu hian Perth a\anga km 1,430 zeta hla Pannawonica-a a chhungte bula cheng turin a inkhalh chhuak a, a chhungte bul a thlen hnuah a inpuang a ni. A pa-in a fapa inpuanna a hriat rualin Police-te a hriattir nghal a ni.
