Australia Prime Minister Malcolm Turnbull a’n mipa naupang khawih chingpen thuppuitu, court in thiam loh a chantir tawh Catholic Archbishop Philip Wilson chu Pope in a hna atangin a ban tir tur a ni a ti

0
708
views

Catholic kohhran hruaitu zinga senior ber zinga mi Adelaide Philip Wilson hi tunhma lama puithiam pakhatin mipa naupang a khawih chingpen thuppui thuah thiam loh chantir a ni a. Turnbull chuan he thilah hian Pope chu a inrawlh a hun a, a ban tir ngei tur a ni a ti. Thiam loh chantir anih a\anga hapta hnih ral hnuah Turnbull hian a ngaihdan hi chanchinbumite hmaah a sawi chhuak a, mi tam takin Wilson hi inhnukdawk turin an phut a, amah a inhnukdawk lo anih chuan Pope in a ban tir ngei a \ul a ni a ti. A chungthu ngaihtuah anih chhung zawng hian Wilson hian kum 1970 chhova a thawhpui James Patrick Fletcher-a’n New South Wales hmuna mipa naupang alter boy te a khawih chingpen thu hi a hriatpui lo niin a sawi a, court chuan a thusawi hi a pawmsak lo a, kohhran zahawmna tih bawrhban a hlauh avangin a zeppui ngei a ni a ti thung.