Momena Shoma, kum 26 mi hian a thlenna pa, Roger Singaravelu chu a muthilh laiin a nghawngah a vit a, vanneihthlak takin a thi lo a ni. Hetianga a chet hun hi Australia a thlen a\anga a ni 8-naah a ni. Victoria state Supreme Court-a a chungthu ngaihtuahtu Judge Lesley Taylor chuan Momena Shoma hi kum 42 lungin tang tur leh kum 31 chhung chu parole pawha chhuak thei lo turin a hrem a, a chet dan hian mi a ti thlabar a, na taka hrem a phu a ni a ti.
Prosecutor te sawidanin, Shoma hi kum 2013 vel a\angin Dhaka-a a awm laiin sakhaw thilah a firfiak zawngin a rilru a kal \an a, Turkey-a lehkhazir a tumna a hlawhchham hnuah Melborne-a La Trobe University-a zir thei turin scholarship a hmu a, nikum february ni 1 khan Australia mi chhungkaw pakhat te finin, an in-a a insawn luh rual hian a pawikhawih dan tur hi a ruahman nghal a, zana khaw hmuh theihna night vision goggles leiin a chet dan tur hi a lo zir lawk tawh a ni.
