Association for Voluntary Blood Donation (AVBD) leh Aizawla Blood Bank pahnih, Aizawl Civil Hospital leh Synod Hospital Blood Bank \ang hovin December thla tir a\anga Krismas puala thisen pekna hun, Blood Donation for Christmas an buatsaihah vawiin thleng khan mi 311-in thisen an pe a. Aizawl Civil Hospital-ah mi 284-in thisen an pe a; Synod Hospital-ah mi 27-in thisen an pe a ni.
AVBD chuan thisen petute zawng zawng hnenah lawmthu a sawi a, an thisen pek chu damlo, thisen mamawhtute tan malsawmna a nih thu leh an \hatpui ngei an beisei thu an sawi. AVBD hotute chuan, Krismas leh Kum thar bawr vel hian kum tin thisen pe an tlem \hin avang leh thisen mamawh tam lai ber a nih avanga hetiang hun hi buatsaih an nih thu an sawi a, December thla bakah, kum thar tir, January leh February velah thisen pe an tlem \hin nia sawiin, thisen pek chu sum leh pai sên ngai lova mi dangte nunna chhan theihna leh mi dang tana malsawmna nih theihna avangin, thisen pek tum \heuh turin Mizo \halaite an ngen a ni.
