Chanchinthar lakhawmtute a kawmnaah Akhilesh Yadav chuan thil enchhin chang a awm a, a hlawhtlin chang leh a hlawhchham chang a awm \hin a ni a ti a, Mayawati chu a zah thu a sawi bawk. An thawhdunna Gathbandhan chungchangah Uttar Pradesh bika bye election neih turah chuan party mala an beih tur thu a sawi a, a hnu zela an kal dan tur chu party hotute nena la relfel tur a ni ang a ti.
Thawhlehni khan Mayawati chuan gathbandhan hi an chhuahsan thu sawiin, Samajwadi party in an mi leh sa te an huikhawm danah hmasawnna an neih chuan an thutlukna chu an ngaihtuah nawn leh thei ang tih a lo sawi tawh a, a kaihhruai Bahujan Samaj Party chuan Uttar Pradesh-a bial 11-a bye election neih tur pawh party mala an chuh tur thu a puang a ni. Heng bial 11 te hi MLA ni lai te MP-a thlantlin an nih vanga ruak a ni.
Mayawati leh Akhilesh-a te \angdun hian Lok Sabha inthlanpuiah khan UP-a seat 80 awmah 15 chauh an la phak a, BJP chuan seat 62 zet an la phak a, Mayawati hian Samajwadi Party chu an mi leh sa te vote BSP tana huikhawm thei lovah puhin an thawhdunna hlawhchham chhanah a puh a ni.
