An lehkha pekah hian Zophai chungchang hi tukin khan Bairabi Joint Village Council leh NGO te hian an ngaihtuah tih an sawi a, Mizoram Sorkar, Kolasib DC leh Hailakandi DC ten State pahnih te harsatna chingfel tura hma an lak mekna leh Sorkar laipuia Home Ministry-in thil nihdan ngaia awm rih tur Status Quo a puan mek a nih thu an sawi a, hetihlaia Zophai hmuna MZP General Headquarters-in hmathar lak an tum chu \ha an tih loh thu leh engtizawng pawh a hmathar lak an rem tih loh thu an sawi a, Bairabi khuain an huamchin thlamuang taka an enkawl zel theih nan hma an la dawn tih an sawi a ni.
Hemi chungchanga ZONET zawhna chhangin MZP General Headquarters President Pu L Ramdinliana Renthei chuan, Bairabi Joint Village Council leh NGO te thu leh hla hi engmah an la hriat loh thu a sawi a, Zophai chugnchang chu tunhnaia MZP Federal Council-a a sawi chhuah bak tunhnaiah thawm engmah an neih loh thu a sawi a, hetihrual hian remchang hmasa berah Zophai kal chu an tum tih a sawi thung.
