MZP General Headquarters hruaitute hi an president Pu L. Ramdinliana Renthlei-in a hova, MZP Kolasib Headquarters President leh MZP Sub-Headquarters Bairabi hruaitute nen ‘Zofate Chawlhbuk’ sak an tumna hmun hi tlawhin chhinchhiahna, ‘Site Banner’ an tar a, an chhinchhiahna tar hi lak thlak a nih loh nana venhim sak turin Mizoram Sorkar thuneitute a ngen tih MZP hian an sawi.
MZP hian Zofate Chawlhbuk sak an tumna hmun Zophai hi Mizoram chhung ngei a ni tih Mizoram mipui hriatah an sawi nawn leh tih an sawi a, helai hmun hi Mizoram Chief Minister hmasa ber Pu Ch. Chhunga leilet hmun a ni a, Assam in Mizote a chuhpui mai zawk a ni an ti a, Pi leh Pu te luahchin ram Mizoram chin humhalh a, neih let leh ngei theih nan hmalak chhunzawm zel an tum tih an sawi.
Bairabi Village Council-in Bairabi Zophai hmuna hmathar la tawh lo tura MZP te an hriattir chungchangah an hriattirna chu zahawm ti hle mahse Bairabi Zophai hmun chu Mizoram chhung ngei a nih avang leh ramri chinfelna tura hmanraw pawimawh tak a nih avangin Zofate Chawlhbuk sak an tum chu chawlhsan theiah an inngai lo tih MZP te hian an sawi a. Mizoram Sorkar in ramri chungchang ngaihtuahtu tur Core Committee a din chuan chak lehzuala hma a lak theih nan \an la turin Mizoram Sorkar an ngen tih an sawi bawk.
MZP hruaitute hian Zophai-a IR Post tlawh nghalin tun dinhmunah Sipai 21 an awm a, a pan na kawng a chhe hle a, Motor eng chi mah kawl an nei lo a, thuam\hat a ngai hle a ni an ti.
