Bairabi Zophaia Zofate chawlhbuk sa tura MZP kal \henkhat rawn haw te chu inrinni zan khan Vanapa hall kawtah ropui taka lo hmuah a ni a, hemi puala inkhawm buatsaihah MZP Vice President Vanlaltana chuan, Zofate chawlhbuk sak an tum avanga Assam Police ten an lo beih avanga an hliam te chu na ti lo mahse State sorkarin a venghim thei lo erawhchu na an ti hle tih a sawi. Vanlaltana chuan, ram chhan avanga an thisen chhuak chu a thlawn dawn lo tih a sawi a, ram leh hnam chhan duhna rilru pu \halai tam tak an mahni lo hmuaktu an awm chu thlamuanthlak a tih thu sawiin Mizoram Police ten chhan lo mahse Mizo \halai \angrual tam takin Zofate chawlhbuk chu an sa ngei dawn tih a sawi. CYMA President Pu Vanlalruata pawhin zirlaite lo hmuahna ah hian thu a sawi a. Kalkhawmte chuan resolution pass in Zofate chawlhbuk chu an sak ngei tur thu te, Assam Police ten pawisawi lo silai nen a bei chu an hraitthiam loh thu leh an dem thu te, Assam Police te chet dan chu zirlai te hmuhsitnaa an ngaihthu te an tarlang a, Mizoram sorkar chu ram leh hnam dana ding ngam lo nia sawiin an dem thu pawh an tarlang bawk.
