Bangladesh sorkar hotuten Rohingya Muslim-te chuanna lawng 20 vel a tihchhiat sak

0
763
views

Bangladesh sorkar hotuten Myanmar-a Rakhine state a\anga tlanchhia, Rohingya Muslim-te chu an rama buaina thleng mek remchanga hmanga Bangladesh rama ruihhlo, methamphetamine tawlh ru \hinah puhin, an chuanna lawng 20 vel a tihchhiat sak. Rohingya raltlante hian Reuters an hrilh danin, Thawhlehni zana Bangladesh chhim tawpa Shah Porir Dwip vaukam an thlenin, ramri vengtu sipaite chuan an lo vuak rawn bakah mi eng emaw zat an man a, hemi hnu hian lawng 20 vel an tichhe nghal a ni. Border Guards Bangladesh hotu pakhat, Lieutenant Colonel Ariful Islam chuan vuak an nei lo nia sawiin, lawng an tihchhiat chhan hi ruihhlo tawlh ruk leh mahni mihringpui hralh chungchang vang niin a sawi.