Barcelona-a mi 13 chil hlumtu police-in kap hlum

0
985
views

Spain rama Barcelona khawpuia Van hmanga mi 13 chil hlumtu nia hriat, kum 22 mi, Younes Abouyaaqoub-a chu police-in an kap hlum. Spain police-te chuan Morocco rama piang, Muslim mi firfiak nia rinhlelh, Abouyaaqoub-a hi Barcelona khawpui bula hmun pakhatah an hmu nia sawiin, police-te nena an intawn hian Abouyaaqoub-a hian puak thei thil ni awm tak, a kawngah hrengin, Allah ropui ber rawh se tiin a au chhuak niin an sawi. Puan tawh angin, Ningani kal taa Barcelona-a Las Ramblas kawngpui dunga mi a chil hlum hnu khan Abouyaaqoub-a hi ke-in a tlanchhia a, hemi hnu hian police-ten an zawng nghal a, an hmu lawk thei lo a ni. Abouyaaqoub-a hian thurualpui 11 vel a nei nia hriat a ni a, heng zinga panga hi police-te’n an kap hlum tawh a, pakhat dang chu Nilaini zana Barcelona bula khaw pakhat, Alcanar-a chenna in pakhata bomb puakah a thi a ni.