Basic Services for Urban Poor (BSUP) hnuaia Lawipu-a mi harsate tana in sakah chhungkaw 161 an cheng tawh

0
925
views

UD&PA Minister, Pu Zodintluanga’n Basic Services for Urban Poor (BSUP) hnuaia Lawipu-a mi harsate tana in sakah chhungkaw 161 an cheng tawh tih Zonet a hrilh a. Mi harsa zawkten in leh lo \ha an neih ve theih nan sorkarin kawng hrang hrangin \an a la a, mahni puala in hmun nei loten chenna tur an neih ve theih nan Lawipu, Rangvamual, Edenthar leh Durtlang-ah In sak a ni a, Lawipu-a mi chu luah theiha peih fel a nih hnuah, nikum December thla a\ang khan luah dil duhte tan hun hawn a ni a, in luah tur awm zawng zawng, 408 a\angin mi 231 chu luah phalna pek an ni a, chung zinga 161 chu a insuan lut tawh a, tunah hian luah diltu dang engemaw zatte chu inremna siampui tum mek an nih thu a sawi. Pu Zodintluanga chuan, Lawipui bakah hian Rangvamual, Edenthar leh Durtlang-a in sak pawh luah theiha peih fel \ep a nih tawh thu leh, BSUP bakah hian Housing For All hnuaiah in hmun nei, a sakna tur nei lo leh in luah tlak tawh loh khawpa chhiate \anpui dan tur ngaihtuah mek a ni a. Hemi atan hian Aizawl leh Lawngtlai District tan bik, first Instalment hmuh a ni tawh a, he \anpuina hi Aizawl District-a chhungkaw 187 leh Lawngtlai District-a chhungkaw 141 pek am ni a, chhungkaw engemaw zat chuan in hi an sa zo tawh a, mi\henkhat chu khawsak harsa tak tak an nih hlawm avangin tlawmngai pawl-in an sakpui te pawh an awm a, hetianga tlawmngaihna hmanga inpuih tawn hi sorkar laipui lam hotute pawhin \ha an ti hle niin a sawi.

Minister sawi danin, BSUP hnuaia in sakah hian Lawipu-ah chhungkaw 408, Durtlang-ah chhungkaw 320 leh Rangvamual leh Edenthar-ah chhungkaw 368 ve ve, a vaiin chhungkaw 1,096 chen theihna tur in sak a ni a. Rajiv Awas Yojana (RAY) hnuaiah Zuangtuia chhungkaw 78 leh Falkland venga chhungkaw 64, \anpuina pek an ni tawh a, PMAY Housing For All hnuaiah Mizorama Census Town 23-a chhungkaw 13,556, \anpuina pek an ni tawh bawk.