Major General Asif Ghafoor, Pakistan sipaite thu puanzarna lama hotulu chuan he thu hi a puang a, sipaite hian an budget tih tlem hi anmahni thua an rel a ni a, hei hian an ram venhimna lamah erawh nghawng a nei dawn lo tih a sawi thung.
Pakistan Prime Minister Imran Khan chuan sipaite hmalakna hi lawmawm a tih thu sawiin an ramin sum harsatna nasa tak a tawh a\anga tal chhuak thei turin sipaite hmalakna chuan awmze thui tak a nei dawn a ni a ti.
Pakistan Science and Technology Minister Fawad Chaudhry chuan sipaite hmalakna chu thil lian tham tak a ni tih sawiin, sipaite nena thawhhona \ha tak nen chauh Pakistan in sum harsatna a tawh chu a sutkian theih dawn a ni a ti.
Pakistan sorkar hian June ni 11 ah Budget pharh a tum a, an ram sum harsatna sukiang turin inrenchem kawngah nasa taka hmalak chhoh a tum a ni.
