Bihar Gaya-ah hmeichhe tleirawl kum 16 mi ruang, nasa taka nghaisak hnua a nghawng tan sak chhar a ni a, mipui thinrimin lungawi lohna an lantir nasa hle.

0
96
views

He thil thlenna hmun hi Patna khawpui a\anga km 11-a hlaah a ni a, he tleirawl thi ta chhungte chuan thah anih hma hian pawngsual leh nghaisak a tawk nasa hle niin an sawi a, hetihlai hian Police te chuan chhungkaw zahawmna tur changchawia tualthahna niin an sawi thung.

Ruang hi Pathianni-a chhar tawh a nih laiin Police ten man an la nei lo chu mipuiin hre thiam lovin lungawi lohna an lantir a ni. He tleirawl hi December ni 28 a\ang khan chin hriat lovin a bo tawh a ni. Senior Police Officer Rajiv Mishra chuan he tleirawl chhungte hian thu dik lo Police te an hrilh nia sawiin, december ni 31 khan an in-ah haw tawh angin Police te an hrilh a ni a ti.