Bihar tui lianah mi 482 thi tawh

0
776
views

Bihar tuilianin ziaawm lam a la pan thei lo a, inrinni leh chawlhni khan mi 42 an thih belh a, thi zat hi 482 a tling tawh a, Uttar Pradesh-ah pawh mi panga an thih belh bawk. Bihar state disaster management department chuan tuilian tuarte chhawmdawlna tur hmun 222 an siam tawh thu leh mi 1,44,000 vel an enkawl mek tih an sawi a, hmun thenkhatah chuan tuilianin a chim chin hi a tlahniam tawh nia an hriat thu leh mi thenkhat chu an chenna inah pawh an kir leh tawh tih an sawi bawk a, chhanchhuah hna thawk tur hian National Disaster Response Force atangin hnathawk mi 1,152 leh lawng 118 tirh chhuah an nih thu leh, State Disaster Response Force leh sipai ten an puih thu an sawi bawk a ni. Khawchin lam mithiamte chuan Bihar state chhak lamah hian ruah nasa takin a la sur leh dawn niin an sawi a ni.