BJP in Mizoram inthlanpui neih turah Chakma leh Bru te bit zualna bial 5-ah beihpui thlak turin Tripura BJP te mawhphurhna a pe.

0
922
views

 

West Tuipui, Mamit, Tuichawng, Hachhek leh Thorang ah te beihpui thlak an tum tih Tripura BJP Vice President Pratima Bhowmick chuan a sawi a, heng constituency panga ah te hian a pumpuia mawhphurhna chu Tripura BJP kutah dah a ni tih Bhowmick-i chuan sawiin, hnehna chan ngei an inbeisei tih a sawi.

Tripura Chief Minister Biplab Kumar Deb, Social Welfare Minister Santana Chakma, Tripura BJP Vice President Pratima Bhowmic leh MLA dang Sambhu Lal Chakma leh Promod Reang te chuan Thawhlehni a\ang khan Mizoramah campaign an \an tawh a, Biplam Kumar Deb, Santana Chakma leh Shambu Lal Chakma te hian CADC \huthmun Kamalanagar ah vantlang inkhawm buatsaihin campaign beihpui an thlak tawh a ni. Tripura Chief Minister chu Mizoram inthlanna neih turah a bik taka mawhphur tura ruat a ni tih Bhowmick-i chuan a sawi a, Bhowmick-i leh MLA Dilip Das te hian Tripura Bru Camp-a campaign turin vawiin khan Camp hi an pan a, Camp hrang hrangah hian bru sing 3 sang 5 chuang an cheng mek a ni.

Mamit Constituency ah hian vote nei zatve zet chu Bru te an ni a, zaa 5 chu Chakma an ni thung a, Hachhek bialah chuan vote nei zaa 68 chu Bru an ni a, Thorang bialah chuan vote nei zaa 30 Chakma an nih bakah zaa 27 chu Bru an ni a, West Tuipui bialah chuan vote nei zaa 80 zet Chakma an ni bawk a, Tuichawng bialah chuan vote nei zaa 98 te chu Chakma an ni tih Bhowmick-i chuan a sawi.