Vawiina ram puma Lok Sabha inthlanpui Result puan taka BJP-in sorkar-na an chan chhunzawm lawmna Upper Republic-a an Party Pisa-a neihah he thu hi sawiin, Prof. JV Hluna chuan, BJP in Sorkarna a siam leh thei chu BJP Mizoram chuan lawmawm an ti hle a, Mizoramah pawh an Party chuan kil tin a\anga beihna an tawk chungin an Candidate, Pu Nirupam Chakma-in a vote sing 3 dawn lai a hmu thei chuan Mizoramin BJP Sorkar a mamawh tawh hle tih a tichiang nia a hriat thu a sawi a, Mizoramah hmasawnna dik a awm a, mi tinin an chanvo an chan theih nan Mizoramah pawh BJP chu an la Sorkar ngei dawn a ni, a ti.
Prof. JV Hluna chuan, term liamtaah khan BJP kaihhruai sorkar kaltlangin mirethei tam takin ham\hatna an dawng a, tumah thlei bik nei lovin hmasawnna rualkhai taka kalpui a ni a, hei hi Mizoramah pawh a takin a thleng a ni, a ti a. Prime Minister, Pu Narendra Modi chu hnathawk \ha an tih em avang leh hetiang taka hnathawk chhunzawm thei midang an hriat loh avang a chungah rinna an nghat a, Kristiante leh Kohhran hote pawhin an \wng\ainaa roreltu \ha Pathian hnena an dil \hin chu tunah pekin an awm ta a, chuvangin Kohhran hote pawh Pathian hnena lawmthu sawipui turin a ngen tih a sawi. BJP Mizoram Pradesh President chuan, Mizoram MLA inthlang zo chiah mah se, Central lama a kungpui chu BJP a nih miau avangin Mizo mipuite chu BJP a inpe turin a sawm a, Mizoram leh Hnam tana a taka hnathawh kawr ha ngam te chu pen chhuak vek turin a sawm a ni.
He inkhawm hi BJP State General Secretary, Pu Vanlalhmuaka’n a kaihruai a. BJP MP Candidate Pu Nirupam Chakma pawhin, amah chu tling zo lo mah se, an Party-in sorkar-na a siam thei chu thil lawmawm tak a ni, a ti a. Amah vote tu mipui chungah lawmthu a sawi a ni.
