BJP Mizoram State President, Prof. JV Hluna’n BJP-in MLA leina tur sum Assam Riffle emaw CRPF Camp-ah emaw an dah nia MPCC President Pu Lal Thanhawla’n a sawi chu sawifiah a nih loh chuan a lakah dawta inpuh hmingchhiatna, Defamation Case an siam dawn tih a sawi.

0
614
views

 

He thu hi vawiina Upper Republic-a an pawl pisa-a thuthar lakhawmtute a kawmnaah sawiin, Prof. JV Hluna chuan Inthlan Result puan hnuah BJP-in MLA leina tur sum an chhekkhawl tia mipui bum a tum mek chu \ha lo a tih thu a sawi a, hei hi thu dik lo a ni tih mipuiten an la hre thuai dawn a, Kristianna kawra hmanga, mipuite zahna nei lo hruaitu Mizoramin a nei chu vanduaithlak a tih thu sawiin, Pu Lal Thanhawla chu zu zuar sorkar tihawm tawka ngaih tireng lo tura a duh thu a sawi a ni. Prof. JV Hluna chuan, Mizoram Assembly inthlanpui neih zawh takah Mizo mipuiten Politics an thlir dana hmasawnna tam tak awm chu lawmawm a tih thu leh Party ruihchilhna tlansan a, ram tana \ha tur ngaituah nachang an hre \an te, Pathian rawn chunga Manifesto \ha tak tak an siam te leh Kohhran leh MPF ngaichang chunga Political Party te chet dan te chu hmasawnna thlentu niin a sawi a ni. Prof. JV Hluna chuan Mizoram assembly inthlanpui neih hmaa Party hrang hrang campaign-naah BJP chu nasa taka sawichhhiat an ni a, ram tana \ha tur an nihna hliah vek khawpin Kristiante dodaltu anga chhuah an ni a, hetiang a nih laia rilru puitling tak pua thil hrethiam chinten an \awimawm chu lawmawm an tih thu sawiin, mipuite chu thudik ngaihven chunga an party thlawp zel tur leh Politics chu sakhua nena ngaihfin lo turin a ngen a ni. Prof. JV Hluna chuan MPCC President, Pu Lal Thanhawla leh a kaihhruai Congress Party-in an party puhchhiat nana BJP-in Bru candidate nei tur anga mipui an bumna chu thu dik lo a ni tih a takin a lang tawh niin a sawi a, inthlan dawna pawisa chelek viau dawn anga an puhna pawh Assembly bial 39-a BJP candidate awmna mipuiten a dik lo tih an hre vek tih sawiin, BJP chuan sum hmangin mipui hlutna leisak a tum lova, hmasawnna hna thawh hmangin rintlak an nihna chu lantir an tum mai niin a sawi.

Zawhna chhangin BJP hruaitute chuan, Mizoramah Party mala sorkar siam thei an awm an rin loh thu leh \angrual sorkar siam a ngaih an rin thu an sawi a. BJP chuan MLA engemawzat an neih dawn avangin sorkar siamtu zingah hian an tel ngei dawn a, hmarchhak State dangah pawh hmasawnna duhtu party ten BJP kaihhruai NDA an thlawp angin Mizoramah pawh NDA kaihhruai sorkar a ding ngei dawn niin an sawi a, Mizoram chuan leiba a ngah avangin, he harsatna a\anga tal chhuak tur hian Special Package neih a ngai a, chumi tihlawhtling thei tur BJP hnenah thuneihna hlan a ngai a ni an ti. BJP hotute chuan, tun hi Pu Lal Thanhawla huntawp a ni tawh dawn nia sawiin, tun inthlanpuiah hian MLA 30 neiin sorkar siam pawh ni se, hmasawnna hna an thawh theih dawn chuan loh avangin thla 6 pawh an sorkar thei dawn lo niin an sawi a ni.