BJP President Amit Shah-a’n Kolkatta-a campaign beihpui a thlakah buaina a chhuak a, Ishwar Chandra Vidyasagar-a lim tihchhiat a nih hnuah BJP leh TMC te an inbei tawn zui nasa hle.

0
467
views

Amit Shah-a’n roashow a neih zawhah Calcutta University, Vidyasagar College hmaah zirlai engemaw zat pungkhawmin BJP an duh loh thu an auchhuahpui bakah Amit Shah chu let leh nghal tura an duh thu tarlanna thuziakte an keng a, Amit Shah zuitu BJP worker te chuan thir tiang nen zirlaite hi an bei a, college compound lutin, motrcycle te halin Ishwar Chandra Vidysagar-a lim hi an vawmchhia a ni. Police te chuan heng mi te hnawhdarh nan hian tiang an hmang a, an zinga engemawzat an man bawk.

West Bengal Chief minister Mamata Banerjee chuan colege hi zan lamah a tlawh a, Amit Shah chu sawisel thiang lo pathian-a ingaiah a puh a, Jharkhand, Bihar leh Uttar Pradesh mi te hruai khawmin Kolkatta-ah vantlang inkhawm a rawn huaihawt a ni a ti. TMC hian he buaina thleng chungchangah hian Election Commission hmuh an tum a ni.

Amit Shah erawh chuan BJP tihhmingchhiat an tumnaah Trinamool Congress worker te’n Ishwar Chandra Vidyasagar-a lim hi tichhia-in BJP a mawhpuh tih a sawi thung a, press conference a huaihawtah India ram chhung hmun hrang hrangah vantlang inkhawm an huaihawt tawh thu sawiin Bengal-ah chiah buaina a chhuak \hin niin a sawi a, buaina chhuah chhan pawh TMC an ni a ti a. BJP hian vote thlak thawh 7-na atana Mamata banerjee-i campaign khapsak turin Election Commission ah an ngen a ni.