Bolsonaro hian vote tla zaa 55.2 a hmuh laiin a khingpui Fernando Haddad chuan zaa 44.8 a hmu a, Bosonaro hian eirukna umbo leh Brazil-a tharum thawhna thleng tam lutuk tih tlem mipuite a tiam a ni. Inthlanna ah hian an inbei tawn nasa hle a, Brazil ah hian PT party chuan kum 2003 a\anga 2016 thleng, kum 13 zet ro an lo rel tawh a, kum hnih liamta chhungin Conservative Party lamin ro an rel leh a, tunah hian Social Liberal Party Bolsonaro hian hnehna a chang ve leh ta a ni. Bolsonaro hian nau tih tlak chungchangah te, ram dang a\anga pem lut te chungchangah leh mahni anpui kawp te chungchangah US President Donald Trump ang deuhin ngaihdan tum tlang tak a nei a, hming lemah Trump of the Tropics tih an vuah sak nghe nghe a ni.
