MP te zinga 432 in ruahmanna duh lo zawnga an vote laiin a thlawptu chu 202 chauh an ni a, he ruahmanna hi March ni 29-a Britain-in EU a chhuahsanna tur a ni. Hetiang taka nasa-a Prime Minsiter Theresa May-i ruahmanna siam hnawl a nih takah hian Labour party hruaitu Jeremy Corbyn chuan prime minister rin tawk lohna motion hi a pulut nghal a, inthlan \hatna neih a \ul mai thei a ni.
Theresa May-i hian Brexit tia sawi, Britain in EU a chhuahsan dan tur ruahmanna hi kum 2 chhung a lo buaipui a, MP ten an hnawl sak ta hi a tan chuan thil zahthlak taka ngaih a ni. Ruahmanna a siamah hian Theresa may hian EU chu March ni 29 ah chhuahsan a ni ang a, sumdawnna leh a kaihhnawih thil dang chinfel hun atan thla 21 ruat a ni. A tirah chuan Brexit chungchanga Vote thlak hun atan December thla kha ruat a ni a, a dodaltu MP tam takte hmin tumin vote lak hun hi Prime Minister hian a sawn hla a ni.
