European Union a\anga kum 46 hnua a inlak hran ni atana ruat March ni 29 thlen hmain ni 17 chauh a la awm tawh tihah Prime Minister Theresa May-i’n Brexit chungchanga inbiakremna tur rawtna a siam chu Parliament member 633 zinga 391-in an hnawl a, Britain chu sum leh paia lamah hun harsa tak tawng mai thei dinhmunah a ding mek a ni.
Prime Minister May-i chuan MP te hmaah thu sawiin a rawtna siam chu tun dinhmuna Britain tana thil \ha ber awm chhun a ni tih sawiin, beih chhunzawm zel a tum thu a puang a, MP te hian inremna Deal siam loa EU chuahsan tur leh tur loh chungchangah vote an thlak dawn ta a ni. May-i chuan parliament-in a rawtna hi a ti khawtlai anih chuan Britain in EU a chhuahsanna tur ruahmanna Brexit chu sut emaw vote lak \hat leh emaw, inbiakremna na tur ruahmanna dang siam leh emaw a theih tawh dawn loh tih a lo sawi tawh a ni.
