Boris Johnson hi London khawpui Mayor hlui a ni a, amah hnaih ber tu, Foreign Secretary Jeremy Hunt-a hmuh lêt vote a hmu a ni. Inthlan thawh khatna-ah hian candidate 10 zinga 3 chu chhawk an ni a, Thawhlehni hian a thawh hnihna neih leh tur a ni a, Conservative Party MP vote 33 hmu phak lo te chu chhawk leh an ni ang.
British Parliament-ah hian Conservative Party MP 313 an awm mek a ni. British PM thar thlan tur hian ngaihven a hlawh hle a, hruaitu an thlan azirin European Union an chhuahsan dan nasa takin a danglam thei dawn a, Johnson hi European Union chhuahsan tura kum 2016-a referendum bul \antu kha a ni a, hun tiam ral hma ngeia EU nen inremna siam chu a duh thu leh hei hi an puitlin thei lo anih chuan inremna tel lo pawha EU chhuahsan mai a pawi tih loh tur thu a sawi a ni.
