Theresa May hian EU summit-a tel ram 27 te chu UK-in EU a chhuahsan hun tur March 29 chu thla 3-a tikhawtlaiin June ni 30-a sawn turin a ngen dawn a, hetianga dil a tum thu hi EU President Donald Tusk-a lehkha thawnin a lo hrilh tawh a, Brexit chungchanga inremna tur a duan chu Commons Speaker John Bercow-a’n a dang tih a lehkhaah hian a sawi a ni.
May chuan he rawtna hi pass a nih chuan inbiakremna nemgheh nan Parliament hian hun a mamawh belh dawn a ni a ti a, European Commission chuan UK hi May ni 23 hnu lamah EU-ah a la tel zel anih chuan European Parliament inthlannah a tel ve a ngai dawn tih an hrilh tih May hian a sawi bawk a ni.
