Mayawati hian mipuiin EVM an rintawkna chu nasa takin a tla hniam a ni a ti a, ballot paper nuaibo-a EVM hman \hin chu India rama mipui rorelna Democracy tan a him lo a, ram danpui tan pawh a him lo a ni a ti. Lok Sabha inthlanpui leh State assembly inthlanpui a ruala buatsaih tumna chu state hrang hranga mipuite harsatna tawh hliah khuh tumna a ni a ti bawk.
Nikum August thla khan Law Commission chuan inthlanpui chi hnih a ruala neih hi a rawt a, hei hian sorkar-in inthlan buaipuia hun tam tak a khawhral \hin to bovin, hmasawnna hnathawh nan hun tam zawk a pek theih phah dawn a ni a ti. Prime Minister Narendra Modi hian inthlan buatsaihna-a senso sang lutuk ti ziaawm turin lok sabha leh assembly inthlanpui hi a ruala neih a \ha em tih zau taka inrawnkhawm nise tiin a lo rawt tawh a ni.
