CADC inthlan February thla tawp lama buatsaih turin MNF-in larsap ngen

0
733
views

Chakma Autonomus District Council (CADC) inthlan chu February thla tawp lama buatsaih turin MNF party-in Larsap, Lt. Gen. Nirbhay Sharma an ngen. Nimin chawhnu khan MNF Treasurer, Pu Vanlalzawma leh hruaitu dangten Raj Bhawan-ah Larsap hi hmuin, tuna CADC-a Congress sorkarin inthlan hun pangngaia inthlang lova sawn hla turin an nawr nia an hriat thu leh hei hi \ha an tih loh thu an hrilh a, inthlan hun pangngai anga February thla tawp lama inthlan buatsaih a nih theih nan bawhzui turin Larsap hi an ngen bakah BJP District Hqrs. pawhin CADC inthlan hun sawn hlat an duh loh thu leh February a inthlan an duh thu Larsap hnenah an lo thlen tawh thu an sawi. MNF hruaitute chuan CADC chu hmun kilkhawra a awm avang leh, inkalpawhna kawngpui a \hat tawk loh avangin inthlan hi fur ruahtui tlak hmaa buatsaih ni thei se an duh thu an sawi a ni. MNF hruaitute chuan, CADC-ah hian inthlanna hmanrua pawh hman mai theiha peih sa nia a lan thu Larsap chu hrilhin, zirna in, College leh University zirlaite tibuai lo leh sorkar kum kal mek tibuai lo tura inthlan hi February thlaa buatsaih tur leh a hun hi a bichilh deuh a nih pawhin CADC term ding lai chu pawt sei kher lova a hun taka inthlan buatsaih turin Larsap chu an ngen a ni.