CBI Special Court Judge hlui, BH Loya thih chungchang chhui zawm tawh lo tura thutlukna lo siam tawh chu Bombay Lawyers Association dilna vangin Supreme Court-in a thlir let dawn.

0
295
views

Loya hi kum 2014 khan lungphu chawlin a lo thi tawh a, a thih lai hian BJP hotupa, Amit Shah-a hming lan ve na tualthah thubuai a kuta dah a ni a, a aiawhtu roreltu chuan Amit Shah lakah hian finfiahna a awm \ha tawk lo tiin thubuai hi a titawp zui a, nikum lamah khan Loya chhungte chuan a thih danah rinhlelh thil eng emaw an neih thu leh vauna pawh a dawng nia an sawi avangin titi a tam hle a, a thih dan chungchang chhui \hat leh a nih laiin, kumin January thla khan Loya fapa Anuj Loya chuan a pa thih danah rinhlelh an neih loh thu a sawi leh a ni. He thubuai kal zelah hian SC chuan April ni 19 khan Loya thih dan chungchangah hian rinhlelh tur a awm loh thu leh chhui zui ngai lo tiin thu a ti tlu ta a ni. SC chuan a thutlukna lo siam tawh hi a Chamber-ah vantlang hriatpui loha thlirlet a nih tur thu a sawi a ni.