CBI-te’n BJP MLA Kuldeep Singh Sengar an man

Uttar Pradesh BJP MLA, Kuldeep Singh chu darkar 15 thu zawhfiah a nih hnuah, pawngsual thubuai-ah nizan khan CBI-te’n an man. Puan tawh angin Allahabad High Court chuan he thubuai state sorkarin a dawnsawn dan chu na takin a lo sawisel tawh a, Kuldeep Singh hian Police leh Doctor-te a thunun avangin dan leh hrai bawhchhiat a ni a ti bawk a, a rang thei ang bera man tur pawhin a lo ti tawh a ni. He thil chhuitu, Special Investigation Team chuan Kuldeep Singh-a \huihruai-te’n finfiahna tihchingpen an tum thu leh, pawngsual t^wktu leh a chhungte an rikrap nasa hle tih Court hi a lo hriattir tawh a, pawngsual tawktu pa pawh Police-te’n chhan awm lovin an man thu leh Kuldeep Singh-a unaupa leh \hian dangte’n an sawisak vanga a thih thu a hriattir bawk a ni. Allahabad High Court hian Kuldeep Singh thubuai 6 vel a siam sak turin a ti a, heng zinga 2 chu kumtling lo pawngsual thubuai a ni.