Central Agricultural University-a KVK leh Selesih-a College of Veterinary Sciences & Animal Husbandry-a KVK tangkawp buatsaihin Central Agricultural University Conference Hall-ah vawiin khan World Honey Bee Day hman a ni a, he ni hmanna-ah hian Mizoram KVI Board Chief Executive Officer, Pu Kaisangzuala chuan, Mizoramah chhungkaw engemawzatin eizawn nan khuai an khawi tih sawiin, Mizoram KVI Board hnuaiah khuai khawi society 120 vel a awm thu te, Zemabawka Mizoram KVI Board Training centre-ah khuai khawi dan zirtir an nih thu leh KVI Board Sales emporium atangin khawizu tha leh thianghlim hralh chhuah a nih thu a sawi. He inkhawmah hian mithiamten khuai khawi kawnga hriat tur pawimawhte an sawi a, Sihphir, Durtlang, Leitan, Sairang leh Selesih atangin khuai khawia eizawngte an tel a ni.
