Central YMA President-in Krismas leh kumthar laia halpuah leh halmawi hal aiah mi dang tana luang chhuak turin Mizo mipuite a ngen

0
686
views

Central YMA President, Pu Vanlalruata’n Krismas leh kumthar laia halpuah leh halmawi hal aiah mi dang tana luang chhuak turin Mizo mipuite a ngen. He thu hi vawiina Central YMA-in Chawnpui-a |awng\ai Bethel Camping Centre-a Krismas thilpek an hlannaah sawiin Central YMA President chuan, heng hunpuia halpuah leh halmawi hal lo tura sorkar nena \ang duna \an an lak mekna kawngah, Mizo mipuite chu mi dang tana inpe leh inphal mi an nih angin, halpuah leh halmawi hal aiah midang tana luangchhuak zawk turin a ngen a, hei hi nun tihlimtu a nih zawk a beisei thu a sawi bawk. Central YMA President chuan krismas leh kumthar chu muanawm taka hman a nih theih nan YMA pawhin \an a la dawn tih sawiin, ruihhlo ngai leh awm \ha duh lo an mante chu a \ul dan angin Tawngtai Bethel Camping Centre-ah an dah zel dawn tih a sawi bawk. Central YMA hian krismas thilpek hi hmun 28-ah a sem a, a vaiin Rs. 1,49,000 an sem chhuak a. Tawngtai Bethel Camping Centre hi Rs. 10,000 a pe a ni. Tawngtai Bethel Camping Centre-ah hian mi 630 an awm mek a ni.