Chakma Autonomous District Council-a BJP kaihhruai sorkar thlawptu Congress a inhnuhdawh hnuah vawiin thlengin sorkar angin thil engkim a la tizui zel niin Kamalanagar District Mizo National Youth Front-in a sawi.

0
377
views

Hemi avang hian MNF \halaite chuan Kamalanagar-a CADC Secretariat tualah lungawi lohna an lantir a. Thuchhuah an siamah Kamalanagar District MNYF chuan, kumin May thlaa CADC inthlan neihah khan a mala sorkar siam thei an awm loh avangin BJP leh Congress MDC \angrual ten United Legislature Party dinin sorkar an siam a, amaherawhchu, kumin October ni 29 khan Congress MDC-te chuan Pu Shanti Jiban Chakma kaihhruai CADC sorkar an thlawpna an hnuhdawh tak avangin he sorkar hi ram danpui ang ding zel tawh lo tur niin an sawi a, heti chung hian CADC-a Pu Shanti Jiban Chakma kaihhruai sorkar chuan thlawptu tam tawk nei tawh lo chungin hna a la thawk zui zel niin an sawi a, a hnathawh leh dik lo taka sum hman te tihtawp nghal a nih theih nan leh Pu Shanti Jiban Chakma chu CADC-a Chief Executive Member a nihna a\anga a ban nghal theih nan lungawilohna hi an entir niin an sawi a ni. Puan tawh \hin angin CADC-a Congress member-te kumin October ni 29-a an inhnuhdawh hnuah CADC sorkar hian thlawptu a ngah tawk tawh loh avangin \hiat turin Mizoram Larsap hnenah ngenna an lo thlen tawh a ni. Kamalanagar District MNYF hian vawiin vek khan Mizoram sorkar-a District Council & Minority Affairs Secretary hnenah CADC sorkar chu District Council sorkar hnathawkte hlawh tel lova sum hman phalna tihtawp sak turin an ngen bawk.