Chakma Autonomous District Council-a BJP kaihhruai sorkar thlawptu Congress member te an inhnuhdawh hnuah vawiin thlenga District Council sorkar a la ding zel duh loh entir nan Kamalanagar-a MNF \halaite chuan Kamalanagar-a CADC Secretariat tualah lungawilohna an lantir.

0
576
views

 

Hemi chungchanga thuchhuah an siamah Kamalanagar District MNYF chuan, kumin May thlaa CADC inthlan neih hnuah party mala sorkar siam thei an awm loh avangin BJP leh Congress MDC \angrual chuan United Legislature Party dinin sorkar an siam a, sorkar thlawptu Congress member te chu kumin October ni 29 khan inhnukdawkin CEM Pu Shanti Jiban Chakma kaihhruai sorkar an thlawp tawh loh thu an puang a, hemi hnu hian ram danpui angin thlawptu ngah tawk lo sorkar chu bang tur a nih laiin CADC-a Pu Shanti Jiban Chakma kaihhruai sorkar chu thlawptu ngah tawk lo chungin vawiin thlengin a la dinga, sorkar anga hna a thawk tur te pawh a la thawk zel niin an sawi a, hei hi ram danpui kalh a nih avangin CADC-a BJP kaihhruai sorkar chu a rang thei ang bera \hiah an phut a ni.

Tun a\angin CADC sorkar chu sorkar anga hnathawh leh sum hman titawp ngal turin an phut a, CADC-a Chief Executive Member, Pu Shanti Jiban Chakma pawh CEM a nihna a\anga bang nghal tura an phut thu an sawi bawk.