Naktuk, March ni 1 atanga Chapchar Kût lawm tur puala Mizoram sorkar-in Sorkar hnathawk zawng zawngte Mizo thuam inbel chunga pisa kai tura a ngenna chuan zawm a hlawh tha thawkhat. Vawiina Zonet palaiin Sorkar Pisa hrang hrang a fankualnaah Pisa hnathawk zawng zawngin Mizo thuam inbel vek lo mah se, hnathawktu tam zawkin an inbel a, Pisa thenkhata thawkte chuan Artui chhumin duhsakna inlantir nan an inbarh hlawm a ni. Sorkar thuchhuah chuan Chapchar Kut chu hnam nunphung leh ziarang chawi larna hun a nih angin mi tinte chu Mizo hnam nun chawilarna lama ke pen turin a ngen a ni.
